പ്രവൃത്തികൾ

ചെയ്ത പ്രവൃത്തികൾ 

പറയാതെയും.

പറഞ്ഞ പ്രവര്‍ത്തികള്‍

ചെയ്യാനും ശ്രമിക്കുക.

 

അത്മാവിന്റെ ഞരമ്പ്‌

അരുകിലെ ഹൃദയ 

നോവില്‍ നമ്മുടെ

അത്മാവിന്റെ ഞരമ്പ്‌ 

പിടക്കുന്നുവെങ്കില്‍,തീര്‍ച്ചയായും 

ആ നോവില്‍ 

സ്നേഹമുണ്ട്‌.

കണക്ക്‌ സൂക്ഷിക്കാതിരിക്കുക.

പകര്‍ന്ന സ്നേഹത്തിനും,

നല്‍കിയ ധാനത്തിനും,

കണക്ക്‌ സൂക്ഷിക്കാതിരിക്കുക.

നല്‍കിയ നന്‍മകള്‍

അതേ മുഖത്തില്‍

തിരിച്ച്‌ ലഭിച്ചെന്ന്‌ വരില്ല.

സ്നേഹം, കൊടുക്കലും വാങ്ങലും

 ഒരാള്‍ക്ക് നമ്മെ 

ഓര്‍ത്തിരിക്കാന്‍

ഹൃദയമറിഞ്ഞ 

സ്നേഹത്തിന്റെ
ഒരു ചീള് മാത്രം മതി

പരന്നൊഴുകുന്ന മനസ്സ്‌

നന്മകള്‍ നിറഞ്ഞ മനസ്സ്‌

പരന്നൊഴുകുന്ന 

പുഴപോലെയാണ്‌.
അരുകിലെ 

മാലിന്യങ്ങളെയും

അത്‌ ശുദ്ധീകരിക്കുന്നു. 

വിരുന്നു മേശയിലെ നിലവിളി

സര്‍,

എന്നെ വില്‍ക്കാന്‍ 

ഞാന്‍ അവനെ ഏല്‍പ്പിച്ചു.

കുംഭകോണ ലാഭം നോക്കി,

വിലപേശി..

ന്യായവിലക്ക്‌ 

എന്നെയവന്‍ വിദേശത്ത്‌ വിറ്റു.

ഭാഷയറിയാത്തതിനാല്‍

വിദേശ സദ്യായാലയത്തിലെ

കാഴ്ച കോമാളിയായി ഞാന്‍.

അങ്ങനെ പൈതൃക പാരമ്പര്യം

വിദേശവിരുന്നു

 മേശയിലെ നിലവിളിയായി.

നഷ്ടപ്പെട്ട ജീവിതം

ഓര്‍മ്മകള്‍ 

നഷ്ടപ്പെട്ട 

ജീവിതം

മരണത്തേക്കാള്‍ 

ഭയാനകമാണ`.

അറിഞ്ഞും , അറിയാതെയും

നല്‍കുന്ന പാത്രം 

അറിഞ്ഞും,

നല്‍കിയത്‌ 

അറിയാതെയും

സൂക്ഷിക്കുക.

മറന്ന കാഴ്ചകള്‍

വര്‍ത്തമാനങ്ങള്‍ 

അക്ഷരങ്ങളാക്കുക,

ജീവിതത്തിണ്റ്റെ 

ശേഷിപ്പില്‍

ആ വായന കൂട്ടേകും

സ്നേഹത്തീന്റെ പൂമരം

സ്നേഹത്തീന്റെ

പൂമരത്തണലില്‍

ആയുസെത്തുവോളം

കഴിയാന്‍ പറ്റുന്നത്‌

ഏറ്റവും വലിയ സുകൃതം.

ജീവിതത്തിന്റെ സ്പന്ദനങ്ങള്‍

ജീവിതത്തിന്റെ 

തൂവലുകളാണ' 

ഓരോ നിമിഷവും.

നഷ്ടപ്പെടുത്തുന്ന 

സ്പന്ദനങ്ങള്‍ മടക്കി ലഭിക്കില്ല.

ഒടുവില്‍ തൂവലുകള്‍ 

കൊഴിഞ്ഞ്‌ തളര്‍ന്നിരിക്കുമ്പോള്‍

നഷ്ടപ്പെടുത്തിയ 

നിമിഷങ്ങള്‍ 

വേദനയായി പിന്തുടരും

കാലത്തിന്റെ പഴക്കം

കാലത്തിന്റെ പഴക്കം 

നമ്മെ തളര്‍ത്തുമ്പോള്‍

ഓര്‍മ്മകളിലെ 

നേട്ടം മാത്രമേ 

നമുക്ക്‌ ബാക്കിയുണ്ടാകൂ,

ആ ധന്യതയുടെ 

സ്വരുകൂട്ടലിനായി

സ്നേഹത്തിന്റെ നിലാവ്‌

അരുകിലെ മനസ്സില്‍ 

ബാക്കി വച്ചാല്‍ അതാകും

അന്നത്തെ ഏറ്റവും 

വലിയ സമ്പാദ്യം.

നമ്മെ തേടുന്ന മറ്റൊരു ഹൃദയമുണ്ടാവും

നാം ജീവിതത്തില്‍-

ആരെയോ തിരയുമ്പോള്‍

നമ്മെ തേടുന്ന-

മറ്റൊരു ഹൃദയമുണ്ടാവും

എന്നത്‌ തീര്‍ച്ചയാണ'.

ഓര്‍മ്മകള്‍ നമ്മെ 

പൊതിഞ്ഞ്‌ പിടിയ്ക്കുമ്പോള്‍

മനസ്സിലേക്ക്‌ വരുന്ന 

ഓരോ ചിന്തകളും

നമുക്കുള്ളിലെ 

പൊടിപിടിച്ച്‌ കിടക്കുന്ന

സ്വപ്നങ്ങുടെയോ 

യാഥാര്‍ത്ഥ്യങ്ങളുടെയോ

നേര്‍ചിത്രങ്ങളാകാം

അക്ഷയപാത്രമാണ്‌ സ്നേഹം.

ഈ ഭൂമിയില്‍ 

പാര്‍ത്തിരുന്നു 

എന്നറിയാന്‍

ഒരു മനസ്സിലെങ്കിലും 

ഒഴിഞ്ഞ്‌ പോകാത്ത

സ്നേഹമുണ്ടായാല്‍ 

ആ ജീവിതം സ്വാര്‍ത്ഥകം.

അക്ഷയപാത്രമാണ്‌ സ്നേഹം.
നല്‍കുമ്പോള്‍ ഇരട്ടി 

തിരിച്ചുകിട്ടുന്ന പുണ്യവും.

അരുകിലെ നിലാവ്‌

കാലത്തിന്റെ പഴക്കം 

നമ്മെ തളര്‍ത്തുമ്പോള്‍

ഓര്‍മ്മകളിലെ 

നേട്ടം മാത്രമേ 

നമുക്ക്‌ ബാക്കിയുണ്ടാകൂ,

ആ ധന്യതയുടെ 

സ്വരുകൂട്ടലിനായി

സ്നേഹത്തിന്റെ നിലാവ്‌

അരുകിലെ മനസ്സില്‍ 

ബാക്കി വച്ചാല്‍ അതാകും

അന്നത്തെ ഏറ്റവും 

വലിയ സമ്പാദ്യം.

സ്നേഹത്തിന്റെ സ്പന്ദനങ്ങള്‍

സ്നേഹത്തിന്റെ 

സ്പന്ദനങ്ങള്‍

കാലത്തിന്റെ 

കാഴ്ചകള്‍ക്ക്‌

ചിതലരിക്കാനാകില്ല.

സ്വാര്‍ത്ഥക  ജീവിതം

പാര്‍ത്തിരുന്നു 

എന്നറിയാന്‍
ഒരു മനസ്സിലെങ്കിലും 

ഒഴിഞ്ഞ്‌ പോകാത്ത

സ്നേഹമുണ്ടായാല്‍ 

ആ ജീവിതം സ്വാര്‍ത്ഥകം

.

സ്വന്തം.

നാം ഹൃദയത്തോട്‌ 

ചേര്‍ക്കും തോറും നമ്മില്‍ 

നിന്ന് അകലുന്ന പലതില്ലേ..

നമുക്ക്‌ സ്വന്തമെന്ന് തോനുന്നത്‌ നാം 

നാളേക്ക്‌ വെക്കും പോലെ..

ഒാര്‍മ്മകളെ നാം 

മറവിയെന്ന് പേര്‌ 

ചൊല്ലി മനപൂര്‍വ്വം മറക്കുന്നു.

വാസ്തവം.
നടന്ന വഴിയേ 

വീണ്ടും 

കാല്പാടുകളാകുന്ന 

യാഥാര്‍ത്ഥ്യം.

പാതകള്‍.

ചവിട്ടിയകന്ന പാതകളും.

കണ്ടൊഴിഞ്ഞ മുഖങ്ങളും 

മറവില്‍ പോകാതെ 

സൂക്ഷിക്കുക.
കാലത്തിന്റെ 

ഗതിവേഗത്തില്‍ നാം 

നമ്മെ തിരിച്ചറിയുന്നത്‌ 

ഈ പാതയോരങ്ങളില്‍ 

മാത്രമാകും.

അരുകിലെ ഹൃദയം

ഉള്ളിലുള്ള ചിന്തകളിലെക്ക്‌

നാം ചെല്ലുന്നു..
അതില്‍ വര്‍ത്തമാനങ്ങളുടെ
പൊരുള്‍ തിരയുമ്പോള്‍
നമുക്കരുകിലെ മനുഷ്യനെ അറിയുന്നു.
ആ തിരിച്ചറിവില്‍ നമ്മുടെ വാക്കുകള്‍ക്ക്‌
മാറ്റം വരുന്നു..
വാചകങ്ങള്‍ക്കും, വരികള്‍ക്കും
പ്രവൃത്തികള്‍ക്കും മാറ്റം വരുന്നു.
അവിടെ നാം നമ്മെ തിരിച്ചറിയുന്നു..
അരുകിലെ സുഹൃത്തിന്റെ
ഹൃദയം തൊടാനാകുന്നു.

നദി

ഒരു പുഴയില്‍ ഒരിക്കലെ

മുങ്ങിനിവരാന്‍ ആകുള്ളൂ,

ജീവിത്തിലും.. 

പ്രാര്‍ത്ഥന

മനസ്സ്‌ പതറുമ്പോള്‍ 

സംസാരത്തേക്കാളും

പ്രാര്‍ത്ഥനയില്‍ 

മനസ്സ് നിറക്കുക.

നടന്നകന്ന മനസ്സ്‌

സ്നേഹം അറിഞ്ഞ 

മനസ്സ്‌ നടന്നകന്നാലും

ഒരിക്കലെങ്കിലും 

തിരിഞ്ഞ്‌ നോക്കും
എന്നത്‌ നിശ്ചയം.

മുറിഞ്ഞ 
നിഴലുകള്‍

മുഖമൊരുക്കാന്‍ 

കണ്ണാടി തിരഞ്ഞ

എനിക്ക്‌ മുന്നില്‍
മുറിഞ്ഞ പോയ 

സൗഹൃദത്തിന്റെ
നിഴലുകള്‍ മാത്രം.
ആ നഷ്ടങ്ങള്‍ 

ചേര്‍ത്ത്‌ വച്ചപ്പോള്‍
അതില്‍ മുഖമോ,

മനസ്സോ ഉണ്ടായി

ചിന്ത.

ചിന്തകള്‍ ഇല്ലാത്ത 

ജീവിതം ശൂന്യമാണ്‌.
ചില ശൂന്യജീവിത്തില്‍ 

ചിന്തമാത്രമേയുണ്ടാകുള്ളൂ

മേഘങ്ങള്‍ 

മേഘങ്ങള്‍ നമ്മെ മേഹിപ്പിക്കുന്നു,

പ്രണയം പോലെ ഭ്രമിപ്പിച്ച്‌ ,

സാന്ത്വനം പേലെ തണല്‍ തന്ന്,

പുഞ്ചിരിപ്പോലെ മഴ പൊഴിച്ച്‌ 

ഒടുക്കം മണല്‍ക്കാട്ടിലെ 

സുഹൃത്തിനെപ്പോലെ വിട്ടക

എന്നോട്‌ തന്നെ ഭയങ്കര അസൂയ

എനിക്ക്‌ എന്നോട്‌ തന്നെ 

ഭയങ്കര അസൂയമൂത്തൂ..

ചില്ലറ തല്ലിനായി ഞാന്‍ 

ഒരു ഗുണ്ടയെ ഏര്‍പ്പാടാക്കി.

എന്റെ ചലനങ്ങള്‍ ചോര്‍ത്തിയ മനസ്സ്‌

ക്വട്ടേഷന്‍ കൂടുതല്‍ കൊടുത്ത്‌

ആ ഗുണ്ടയെ കൊണ്ടു എന്നെയങ്ങ്‌

കൊന്നുകളഞ്ഞു..

ഇന്നലെ രാത്രി.

ഓര്‍മ്മകള്‍ എന്നെ 

വിഴുങ്ങിക്കളഞ്ഞു

ഇന്നലെ രാത്രി.

ഇന്ന് ഉച്ചയൂണിന്‌

എങ്ങും പോയില്ല.

ദഹിക്കാത്ത ചിന്തകളായിരുന്നു-

അധികവും.

പാതകള്‍.

ചവിട്ടിയകന്ന പാതകളും.

കണ്ടൊഴിഞ്ഞ മുഖങ്ങളും

മറവില്‍ പോകാതെ സൂക്ഷിക്കുക.
കാലത്തിന്റെ ഗതിവേഗത്തില്‍ 

നാം നമ്മെ തിരിച്ചറിയുന്നത്‌ 

ഈ പാതയോരങ്ങളില്‍ മാത്രമാകും.

പ്രാര്‍ത്ഥനകള്‍

പ്രാര്‍ത്ഥനകള്‍ മാത്രല്ല 

നന്‍മ അന്യന`വേദന

യുണ്ടാക്കാത്ത കളവും

പുണ്യപ്രവൃത്തിയായി 

മാറിയേക്കാം

ബാക്കിയവുന്നത്‌

ആഴക്കടല്‍ പോലെയാണ' സ്നേഹം

അറിയുംതോറും വീണ്ടും വീണ്ടും
ആഴം വര്‍ദ്ധിയ്ക്കുന്ന പ്രതിഭാസം.

നമുക്ക്‌ നഷ്ടപ്പെടുന്നത്‌. :

ഒരിക്കല്‍ നമുക്ക്‌ നമ്മെ നഷ്ടപ്പെടും-

എന്നത്‌ നിശ്ചയം.

അന്ന്‌ ബാക്കിയവുന്നത്‌

നല്‍കിയ സ്നേഹത്തിണ്റ്റെ നിലാവും,

കുറിച്ച അക്ഷരങ്ങളുടെ

ആഴവും മാത്രമേയുണ്ടാവുള്ളൂ.

പണത്തിന് മേലെ പറക്കുന്ന സ്നേഹം.

കാലം നമ്മെ കടന്നു 

പൊയ്കൊണ്ടിരിക്കുന്നു,

ഒപ്പം നമ്മളും,

മടങ്ങി വരവില്‍
നമ്മെ കാത്ത്‌ 

ഒന്നു മാത്രമേ ഉണ്ടാകൂ

നാം അറിഞ്ഞ്‌ നല്‍കിയ സ്നേഹം.

കൊടുക്കലിനും വാങ്ങലിനും 

ഇടയില്‍ പെട്ട് നട്ടം തിരിയുന്ന 

അനുഭവമാണ് ജീവിതം.

പണത്തിന് മേലെ പറക്കുന്ന 

ഒന്നാണ് സ്നേഹം.
അതിന് വില നിശ്ചയിക്കാന്‍ 

കഴിയില്ല

ഒരാള്‍ക്ക് നമ്മെ 

ഓര്‍ത്തിരിക്കാന്‍
ഹൃദയമറിഞ്ഞ 

സ്നേഹത്തിന്റെ
ഒരു ചീള് മാത്രം മതി

നഷ്ടപ്പെടുത്തുന്ന തൂവലുകള്‍

കാലത്തിന്റെ പഴക്കം 

നമ്മെ തളര്‍ത്തുമ്പോള്‍

ഓര്‍മ്മകളിലെ നേട്ടം 

മാത്രമേ നമുക്ക്‌ ബാക്കിയുണ്ടാകൂ,

ആ ധന്യതയുടെ സ്വരുകൂട്ടലിനായി

സ്നേഹത്തിന്റെ നിലാവ്‌അരുകിലെ

മനസ്സില്‍ ബാക്കി വച്ചാല്‍ അതാകും

അന്നത്തെ ഏറ്റവും വലിയ സമ്പാദ്യം

ജീവിതത്തിന്റെ 

തൂവലുകളാണ' ഓരോ നിമിഷവും.

നഷ്ടപ്പെടുത്തുന്ന 

സ്പന്ദനങ്ങള്‍ മടക്കി ലഭിക്കില്ല.

ഒടുവില്‍ തൂവലുകള്‍ കൊഴിഞ്ഞ്‌

 തളര്‍ന്നിരിക്കുമ്പോള്‍

നഷ്ടപ്പെടുത്തിയ  നിമിഷങ്ങള്‍  

വേദനയായി പിന്തുടരും.

ഒറ്റപ്പെട്ട മനസ്സ്‌

മനസ്സ്‌ ഒറ്റപ്പെടുമ്പോള്‍ 

നല്ല സുഹൃത്തിന്റെ

ആശ്വാസത്തില്‍ തൊട്ട

 ഒരു വാക്ക്‌ പോലും

ഏെറെ പ്രയോജനം ചെയ്യും.

അവസരം അറിഞ്ഞ്‌ പ്രവര്‍ത്തിക്കുക.

എന്നാല്‍ പ്രവൃത്തില്‍ അവസരം
 ഉപയോഗിക്കാതിരിക്കുക                                                       .                                                          

പാനപാത്രം

വിശക്കുന്നവന്റെ 

മുന്നിലെ 

അന്നമാണ' 

ദൈവം

നല്‍കുന്നവന്റെ 

പാനപാത്രം

എന്നും 

നിറഞ്ഞിരിയ്കും

ആദ്യ നന്‍മ

 തേടേണ്ടത്‌

നമ്മുടെ ഉള്ളില്‍ 

നിന്നുതന്നെയാണ'..

മിന്നാത്ത പൊന്നും പ്രണയവും.

മിന്നാത്ത പൊന്ന്

ഇന്നലയവള്‍ 

മടക്കി തന്നു,
പ്രണയവും.
ഉരുകിയ പൊന്ന്
പൂച്ചെടുത്ത്‌ 

കാക്കയ്ക്‌ കൊടുത്തു.
കാക്ക പെണ്ണ്‍ 

നാളെ പുതുചെക്കനുമായി
എന്റെ വീട്ടില്‍ 

വിരുന്ന് വരും.

കണ്ണീര്‍

കടലിന്റെ 

ആഴവും 

തിരയുമില്ലാത്ത 

ഉപ്പുജലം.

വാസ്തവം.

നടന്ന വഴിയേ 

വീണ്ടും

കാല്പാടുകളാകുന്ന 

യാഥാര്‍ത്ഥ്യം.

വിചാരം

മനസ്സിന്റെ 

നിഗൂഢതയില്‍

ചെന്നുപതിക്കുന്ന 

ചിന്തയുടെ കനല്‍.

ഓര്‍മ്മകള്‍

ക്ലാവുപിടിക്കാത്ത 

ഓട്ടുരുളിയില്‍ വീഴുന്ന 

കാലത്തിന്റെ 

ജലത്തുള്ളി

പാതകള്‍.

ചവിട്ടിയകന്ന പാതകളും.

കണ്ടൊഴിഞ്ഞ മുഖങ്ങളും 

മറവില്‍ പോകാതെ 

സൂക്ഷിക്കുക.
കാലത്തിന്റെ 

ഗതിവേഗത്തില്‍ നാം 

നമ്മെ തിരിച്ചറിയുന്നത്‌ 

ഈ പാതയോരങ്ങളില്‍ 

മാത്രമാകും.

സത്യമുള്ള പ്രതിഭാസമാണ്‌ സ്നേഹം

അറിയുന്തോറും 

ഒത്തിരി

സത്യമുള്ള 

പ്രതിഭാസമാണ്‌ 

സ്നേഹം

സ്നേഹത്തിന്റെ കണക്ക്‌

സ്നേഹത്തിന്റെ കണക്ക്‌ 

സൂക്ഷിക്കാതിരിക്കുക.

ഒടുക്കം ശിഷ്ടത്തിന്റെ 

കോളം പരിശോധിച്ചാല്‍
നഷ്ടചിഹ്നങ്ങള്‍ 

മാത്രമേ
ഉണ്ടാകുള്ളൂ

കണ്ണാടി.

 കണ്ണാടി.

മുഖമൊരുക്കാന്‍ 

കണ്ണാടി തിരഞ്ഞ എ

നിക്ക്‌ മുന്നില്‍ മുറിഞ്ഞ 

പോയ സൗഹൃദത്തിന്റെ 

നിഴലുകള്‍ മാത്രം. 

ആ നഷ്ടങ്ങള്‍ ചേര്‍ത്ത്‌ 

വച്ചപ്പോള്‍ അതില്‍ മനസ്സോ, 

മുഖമോ ഉണ്ടായിരുന്നില്ല.

പ്രണയം.

നീ എന്നില്‍ പ്രണയമായത്‌ എപ്പോഴാണ്‌..

നിന്റെ കണ്ണുകള്‍ എന്നെ ഉമ്മവച്ചപ്പോഴോ.
നിന്റെ ശ്വാസം ഞാന്‍ കുടിച്ചപ്പോഴോ..
ഓര്‍ക്കുന്നില്ല ഞാന്‍...

എന്റെ ഹൃദയം  

നിന്റെ പക്കല്‍ ആയിരുന്നല്ല്ലോ...
മടക്കി വാങ്ങാന്‍ ഇന്നലെ മുഴുവന്‍ 

കാത്തിരുന്നു ഞാന്‍...
ഇന്നു നീ വരുമായിരിക്കും

കാലത്തിന്റെ ഫോണ്‍ കോള്‍

 ഞാന്‍ അവളുടെ മുറിയില്‍ 

ഫോണ്‍ ബെല്ലായി.
ഫോണിനുള്ളിലെ 

ശബ്ദം എന്നോട്‌ പറഞ്ഞു.
അവള്‍ ഉറക്കത്തിലാണ്‌ 

നിങ്ങള്‍ സ്വപ്നത്തിലേക്ക്‌ വിളിക്കൂ.
കണ്ണുകള്‍ ഇറുകെ അടച്ച്‌,
അവളുടെ മനസ്സിന്റെ തണലിലേക്ക്‌
ഞാനുറങ്ങുവാനാരംഭിച്ചു.

വരികള്‍ക്കിടയിലെ അര്‍തഥവും

വാക്കുകള്‍ക്കിടയിലെ 

മൗനവും വരികള്‍ക്കിടയിലെ 

അര്‍തഥവും

വാചാലതയെക്കള്‍ 

വിശാലമാണ്‌.

കണ്ണാടി

 

പ്രണയം

പറഞ്ഞതും,

ചോദിച്ചതും,

ഒന്നായിരുന്നു.

അവള്‍ എന്നോടും,

ഞന്‍ അവളോടും.

ഒരിക്കലും പ്രതീക്ഷിച്ചിരുന്നില്ല

രണ്ടുപേരും.

ഈ ഉത്തരത്തില്‍

ചോദ്യചിഹ്നപ്പെടുമെന്ന്

നമുക്കൊന്ന് പ്രണയിച്ചാലോ?

പ്രണയിച്ചു.

തിരിച്ചറിഞ്ഞു,

പ്രണയം ഒരു വികാരം മാത്രമാണെന്ന്,

എടുത്തണിയുമ്പോള്‍ ചോദ്യം ചെയ്യപ്പെടുകയും

ക്രൂശിക്കപ്പെടുകയും ചെയ്യുന്നത്

പ്രണയമാണെന്ന്.

ആഗോളമാന്ദ്യം പ്രവാസജീവനുകളില്‍

ആഗോളമാന്ദ്യം വല്ലാതെ മുറുകെ പിടിച്ചിരിക്കുന്നത്‌ ശരിയ്ക്കും പ്രവാസ ജീവനുകളെയാണ്‌, അനുവാദം ചോദിക്കാതെ കടന്നു വരുന്ന മരണം പോലെ ഓരോ പുലര്‍ച്ചയിലും ഓഫിസില്‍ എത്തി മേശമേല്‍ കാത്തിരിക്കുന്ന പിരിച്ച്‌ വിടല്‍ നോട്ടിസുമായി പടിയിറങ്ങിയ ഓരോ സഹോദരണ്റ്റെയും മനസ്സിനെ ചുറ്റിപിടിച്ചിരിക്കുന്ന നോവാണിത്‌, തീര്‍ച്ചയായും ഒരു മടങ്ങിപ്പോക്കിണ്റ്റെ പെട്ടി ഒരുക്കലിലാണ്‌ നാം, ഇല്ലാ കാരണങ്ങള്‍ കണ്ടെത്തി പിരിച്ചയക്കുമ്പോള്‍ ആ ഹൃദയത്തില്‍ മൌനജഢമായി പോകുന്ന ഒരു പാട്‌ ഒരു പാട്‌ സ്വപ്നങ്ങളുണ്ട്‌, അത്‌ കടത്തിണ്റ്റെയും, കെട്ടുതാലിയുടെയും,കണ്ണിരിണ്റ്റെയും ഉറവവറ്റാത്ത നേര്‍കാഴ്ചയാണ്‌,പേടിപ്പെടുത്തുന്ന-ദുസ്വപ്നമാണ്‌..നാട്ടിലൊക്കുള്ള മടങ്ങി വരവില്‍ കാത്തിരിക്കുന്ന മനസ്സിണ്റ്റെ കണ്ണും കയ്യും പരതുന്നത്‌ പോക്കറ്റിലെ മണിക്കിലുക്കത്തില്‍ തന്നെയാവും,ജോലി നഷ്ടംവരുന്ന ഒരു പ്രവാസിയുടെ അവസ്ഥ മാറാവ്യാതി പിടിപെട്ട രോഗിയെപ്പോലെയാണ്‌,ഒടുക്കം സ്വാന്തം ഭാര്യയപ്പേ്പാലും സ്വകാര്യത്തില്‍ പരിഭവിക്കും ഇക്കണ്ട കാലം മുഴുവന്‍ നിങ്ങള്‍ പ്രവാ(യാ)സം കുടിച്ചിട്ട്‌ എനിക്ക്‌ എന്തുതന്നു, കത്തിലെ കുറച്ചു വരികളും രണ്ടു കുഞ്ഞുങ്ങളെയുമല്ലാതെ,ശരിയാണ്‌ എന്നില്‍ പ്രവാസത്തില്‍ ബാക്കിയായത്‌ എല്ലിനുമേല്‍ ഏച്ചുകെട്ടിയ ശരീരവും പെട്ടിനിറയെ മരുന്നു കമ്പനിയുമല്ലാതെ മറ്റൊന്നുമില്ലാ എന്ന ചിന്ത വല്ലാതെ വലയ്ക്കുന്ന മനസ്സുകളാണ്‌ ഇവിടെ ,ഇനി ഒരു തിരിച്ചു വരുവിന്‌ ഒരു ഗള്‍ഫില്ലാ എന്നറിവും,മുന്നിലെ ശൂന്യതയും.ചരടറ്റ പട്ടത്തിണ്റ്റെ മനസ്സുപോലെയാണ്‌...എവിടെക്കോ..എങ്ങോട്ടേക്കോ.."